Katër persona të tjerë të dënuar një për vrasje dhe tre për vjedhje me dhunë janë të detyruar të deklarojnë pasurinë brenda afatit kohor të 48 orëve, pas formularëve që Operacioni Forca e Ligjit u ka dërguar atyre. Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve Mark Lleshi i dënuar për vrasje dhe Kastriot Lalaj, Agron Selmani dhe Arjan Ndoci, që kanë dënime për vjedhje, duke përdorur armë.