Gjykata Penale e Tiranës ka caktuar masat e sigurimit “arrest në burg” për tre personat e arrestuar për vrasjen e Petrit Ndout pak ditë më parë pas një debate verbal për makinat. Në qeli janë lënë autori Andis Vokrri dhe dy të tjerët të arrestuar për moskallëzim krimi, Fatjon Kulla dhe Lorenc Sula. Të arrestuarit kanë mohuar përfshirjen e tyre në ngjarje gjatë seancës për vlerësimin e masave. Organi hetues ka të dyshuar kryesor 27-vjeçarin Andis Vokrri, i cili ka pranuar se ka pasur një konflikt fizik dhe verbal me Ndoun, por ka mohuar të ketë përdorur çekiç. Ai ka pretenduar në dëshminë paraprake se nuk ka pasur një send të tillë me vete. Gjykata pranoi kërkesën e prokurorisë së Tiranës për masën e arrestit në burg deri në sqarimin e plotë të rrethanave të ngjarjes dhe analizimin e pamjeve filmike.