Vrasja e Artan Myrtajt në Sarandë është ende pa autor. Një ditë pas ekzekutimit të ndodhur në qendër të qytetit bregdetare, policia ka ushtruar kontrolle në Kamëz. Në tre banesa janë ushtruar kontrolle, mes tyre edhe banesa e Ervis Lamit, por ky i fundit nuk është gjetur në banesë. Kontrollet janë ushtruar nga DVP Tiranë dhe forcat RENEA pasi viktima rezulton i përfshirë në një ngjarje të ndodhur në korrik të 2025 ku u plagosën dy të rinj nga Kamza, Gëzim Hajdaraj dhe Ernes Lame, të afërm të Ervis Lamit. Autor i plagosjes një vit më parë ishte Ramadan Zoto 44 vjeç, ndërkohë që Artan Myrtaj, Klaus Jaçaj dhe Erjon Canaj dyshohet e ndihmuan atë në ngjarje dhe gjatë arratisjes. Pas kësaj ngjarjeje, u vra me tritol babai i Klaus Jaçaj, Isuf Jacaj. Për vrasjen e këtij të fundit, është përmendur edhe emri i Ervis Lamajt.