Avokati i Popullit ka reaguar i shqetësuar lidhur me ngjarjen e rëndë të ndodhur në Pogradec, ku një person humbi jetën në rrethana të dyshimta. Në reagimin e tij, Avokati i Popullit shpreh shqetësim për pretendimet e ngritura nga familjarët e viktimës dhe një pjesë e opinionit publik në Pogradec, lidhur me mundësinë e fshehjes apo manipulimit të ngjarjes nga strukturat e policisë lokale. Për këtë arsye Avokati i Popullit njofton se ka nisur një verifikim të plotë mbi veprimet dhe procedurat e ndjekura nga organet kompetente në këtë ngjarje, për të hedhur dritë mbi ngjarjen, përfshirë edhe pretendimet për moszbardhjen e drejtë të situatës. Viktima Egli Proga fillimisht u raportua se humbi jetë pasi ishte rrëzuar në rrugë në gjendje të dehur në Pogradec. Por, më pas u zbulua se ai u rrah për vdekje, ku për pasojë humbi jetën më pas në spitalin e Pogradecit. Autori i ngjarjes u largua menjëherë nga vendi i ngjarjes po u arrit të arrestohej nga policia.