Parlamenti mblidhet neser ne seance plenare, me dy pika rendi te dite: miratim i procesverbalit te seances plenare, te datës 5 dhe 12 mars. Ndonëse ne rend dite nuk është saktësuar, mazhoranca konfirmoi se para seances plenare do te mblidhej konferenca e kryetareve, ku do kerkohej qe te miratohej bashkarisht me opoziten, projekt-rezoluta e propozuar nga socialistet për shpalljen e Iranit shtet sponsor të terrorizmit. Kryetari i grupit parlamentar demokrat, Gazment Bardhi njoftoi se deputet e opozites nuk do marrin pjese ne seancën plenare te dites se marte, sipas tyre një seancë e paligjshme, e thirrur në kundërshtim të hapur me Rregulloren e Kuvendit. Ne reagimin për media Gazment Bardhi thekson se mbledhja e parlamentit thirret për axhendën personale të Kryeministrit dhe të Kryetarit të Kuvendit, pa asnjë rend dite të miratuar apo të shpallur zyrtarisht. Diten kur socialistet do mblidhen ne seance demokratet do jene ne terren per tu organizuar per protesten e 22 marsit. Reagoi kryetari i grupit parlamentar të PS, Taulant Balla, duke thënë se seanca e nesërme, është propozuar në Konferencën e Kryetarëve të datës 18 Shkurt 2026 dhe miratuar me vendim të seancës Plenare, një muaj më parë.