Dy muaj përpara se Gjykata Kushtetuse të shqyrtojë ankimin e kryebashkiakut të Tiranës lidhur me masën e sigurisë ‘arrest në burg’ vendosur ndaj tij në shkurt të vitit 2025 nga GJKKO, vendim që u la në fuqi edhe nga Apeli dhe nga Gjykata e Lartë, mbrojta ligjore e Erion Veliaj ka depozituar në Kushtetese kundërshtimet ndaj prapësimeve të prokurorisë së posaccme. Avokatët e Veliaj argumentojnë se masa e sigurimit ndaj Veliajt ka prodhuar pasoja të drejtpërdrejta në funksionimin e Bashkisë së Tiranës, pasoja që qytetarët e kryeqytetit i konstatojnë çdo ditë. Paraburgimi pa afat i kryebashkiakut ka tejkaluar çdo standard proporcionaliteti dhe çdo standard të vendosur nga Komisioni i Venecias për të zgjedhurit vendorë, thonë avokatët duke shtuar se paraburgimi nuk mund të zgjatet në mënyrë të pakufizuar mbi të njëjtat arsye fillestare dhe pa rrethana të reja konkrete që ta justifikojnë ate.