Gjykata e Shkallës së parë në Shkodër ka vendosur ‘Arrest me burg’ për Andri Vulaj, autorin e dyshuar të vrasjes së Ylber Lulit, ngjarje e shënuar më 8 shtator në lagjen “Kongresi i Përmetit”. Andri Vulaj nuk ka dhënë asnjë dëshmi rreth krimit të rëndë në gjykatën dhe policinë e Shkodrës. Avokati mbrojtës I tij, deklaroi se autori I dyshuar I vrasjs, ka dëmtime me thikë në fytyrë, qafë dhe pjesën e krahut në njërën dorë. Ai ka kërkuar nga Prokuroria të vlerësojë këto dëmtime dhe se nga kanë ardhur. Babai I viktimës, Qamil Luli ka dëshmuar se ka qenë në gjumë në momentin që djali I tij dhe Andri Vulaj po konfliktoheshin. Ai ka deklaruar, se pasi ka dëgjuar zhurma, ka dalë në oborrin e banesës së tij, ndërsa ka pranuar se kanë goditur me thikë autorin e dyshuar. Qamil Luli ka rrëdyer se më pas është qëlluar djali i tij Ylber Luli, i cili ka marrë një plagë në pjesën e barkut duke humbur jetën.