Vdekja e një gjysheje që transmetohet live, militantë që njoftojnë izraelitët se të afërm të tyre janë vrarë ose video poshtëruese të pengjeve... Të gjitha këto tregojnë vendosmërinë e Hamasit për të përdorur propagandën në media sociale krahas dhunës, thonë ekspertët. Mor Bayder nuk u zgjua të shtunën si zakonisht nga zilja e telefonatës së gjyshes së saj. Përkundrazi, ajo mori vesh për "vrasjen brutale" të gjyshes nga sulmi i Hamasit në një fshat në kufi me Rripin e Gazës, nga një postim në Facebook. "Një terrorist hyri në shtëpinë e saj, e vrau, i mori telefonin, e filmoi atë tmerr dhe e postoi në Facebook. Kështu e morëm vesh ne", shtoi ajo. Duke folur për kanalin televiziv izraelit Canal 13, Bayder e përlotur tha se vrasësi kishte telefonuar tezen e saj duke e detyruar atë të shihte pamjet e gjyshes së saj "të mbytur në gjak" në kibucin Nir Oz, vetëm dy kilometra larg Gazës, të kontrolluar nga Hamasi. Fati i disa banorëve të tjerë, nuk dihet.