23 vite burg ka kërkuar prokuroria e Tiranës për njërin nga autorët e dyshaur të vrasjes së Gentjan Bejtjas në Larushk të Fushë Krujës në mars të vitit 2024. Ilir Beqaraj akuzohet se ka pasur rolin e ndihmësit në këtë ekzekutim mafioz të kryer në bashkëpunim. Ndaj tij rëndojnë veprat penale “Vrasje me paramendim” të kryer në bashkëpunim, ‘Mbajtje pa leje dhe prodhim i armëve” , dhe “Falsifikim dokumetesh”. Nga hetimet e kryera dhe provat e mbledhura gjatë kësaj periudhe hetuesti kanë konstatuar se i pandehuri Ilir Beqaraj në kohë të ndryshme përpara kësaj ngjarje me mjetin e tij ka qenë në afërsi të vendit ku ndodhej banesa e Gentian Bejtjas. Detaj ky që sipsa hetuesve është provuar nga kqyrja e GPS të automjetit të cilin e kishte marrë me qera. Po ashtu nga akti i ekspertimit biologjik të AND-së, është konluduar se: automjeti i markës Volksagen Golf me ngjyre të zezë, në pronësi të Edison Haxhiu po ashtu I arrestuar është përdorur nga autorët për t’u larguar menjeherë pas djegies së automjeti “Land Rover”, që u përdor në krim. Mjeti u dogj në fshatin Hasan. Ndërsa nga verifikimet e kryera u përftua profil gjenetik i të akuzuarve Ilir Beqaraj, dhe Flodian Plaku që mendohet se kanë pasur rol në ekzekutimin e Gentjan Bejtjas.