Është arrestuar nga policia, Rrok Pepaj, babai i Daniel Pepajt, I autorit të dyshuar për vrasjen e dy të rinjve në Malësinë e Madhe. Prej mbrëmjes së djeshme ai ndodhej në Drejtorinë e Policisë së Shkodrës i thirrur si dëshmitar i cili kishte dijeni për ngjarjen. Pas marrjes në pyetja nga ana e oficerëve, Rrok Pepajt i është komunikuar akuza e kultivimit të kanabisit. Kujtojmë që ishte pikërisht Rrok Pepaj ai i cili ditën e enjte orientoi policinë drejt parcelave të kanabisit pranë fshatit Vrith, në Malësinë e Madhe, ku edhe u gjetën trupat e pajetë të Klement Pepaj dhe Vilson Çutaj. Dy të rinjtë dyshohet se janë vrarë nga Daniel Pepaj, pas një konflikti për kanabisin. Deri më tani motivi i kësaj ngjarje të rëndë dyshohet të jetë një sasi kanabisi e vjedhur nga Daniel Pepaj. Vilson Çutaj dhe Klement Pepajt ishin ekzekutuar me armë zjarri tip kallashnikov, ku trupi i Vilsoni ishte i bërë shosh nga plumbat. Ndërkohë Klement Pepaj kishte marrë disa plumba në shpinë. Në kërkim është Daniel Pepaj, autori i dyshuar i kësaj vrasje të dyfishtë. Policia ka rinisur kërkimet për tre të rinjtë e zhdukur që prej 3 tetorit kur edhe u be denoncimi nga familljarët. Sipas banorëve të zonës tre të rinjtë Vilson Çutaj dhe Klement e Danjel Pepaj, që janë kushërinj të parë kanë pasur një konflikt mes tyre para se të zhdukeshin. Danjeli sipas burimeve është rrahur nga Vilsoni dhe Klementi në Bajzë. Gjithçka ka ndodhur për një sasi kanabisi të vjedhur nga parcelat që të rinjtë kishin mbjelle në atë zonë. Vilson Çutaj dhe Klement Pepaj akuzonin Danjel Pepajn se u kishte vjedhur parcelën. Fillimisht Danjeli ka mohuar se është ai autori i vjedhjes së parcelave me kanabis, por pas dhunimit është detyruar që të thotë po. Mësohet se Danjel Pepaj ka patur parcelën e tij me kanabis, ndërsa Vilson Çutaj dhe Klement Pepaj dyshohet se kanë patur një parcele veçmas. Më pas të rinjtë janë larguar së bashku nga fshati, por disa krisma automatiku dhe fakti që Danjel Pepa është parë i armatosur kanë ngritur dyshime se mos ai i kishte ekzekutuar dy të rinjtë që e dhunuan, gje qe per fat te keq rezultoi e vertete me gjetjen e trupave te pajete.