Gjykata e Sarandës caktoi masat e sigurisë ndaj 31-vjeçarit Kostandin Vogli dhe 50-vjeçarit Tori Ruci alias Viktor Ruci, të ndaluar si të përfshirë në ngjarjen ku mbeti I vrarë 66-vjeçari Rexhep Ismaili. Fillimisht u zhvillua gjyqi ndaj 50-vjeçarit Viktor Ruci, I cili ishte dhe personi që kishte konfliktin me autorin e dyshuar për një Beach-Bar në bregdetin e Bashkisë Himarë/ Ruci I cili u ndalua nga policia të shtunën do të qëndrojë në arrest shtëpie. Ai akuzohet për veprën penale Moskallëzimi I krimit, Më pas gjyqtari Mikel Hysometaj bashkë me prokuroren e çështjes Armida Kaçi u zhvendosëm në spitalin “Petro Nako” të Sarandës, ku mbahet i shtruar nën masa të forta sigurie, 31-vjeçari Kostandin Vogli, I cili mbeti I plagosur me armë zjarri në këmbë gjatë konfliktit të para pak ditëve. Gjatë seancës pati mosdakordësi mes gjyqtarit dhe prokurores për shkak të akuzave të ngritura prej kësaj të fundit. Në ndryshim nga prokuroria që e akuzon 31-vjeçarin për “Moskallzim i krimit”, “Shkatërrim i pronës” kryer në bashkëpunim dhe “Kanosja” gjyqtari Mikel Hysometaj ndau një qëndrim të kundërt pasi mbi bazën e akteve të paraqitura, organi I akuzës duhet të kishte ngritur veprat penale “Vrasja me dashje” kryer në bashkëpunim, mbetur në tentativë, “Moskallëzim i krimit” dhe “Shkatërrimi i pronës” kryer në bashkëpunim.