Pas 11 muajsh nga vrasja e Behar Sofisë në mes të Tiranës, policia ka bërë të mundur identifikimin dhe arrestimin e njërit prej bashkëpunëtorëve të ekzekutimit të biznesmenit. Në pranga është vënë Bujar Leza 45 vjeç, banues në Larushk, Krujë, ndërsa Gjykata e Posaçme Kundër Korrupsionit dhe Krimit të Organizuar ka caktuar masën e sigurisë arrest me burg për të. Specialistët e Sektorit për Hetimin e Krimeve të Rënda ndaj Jetës dhe Pronës në drejtorinë vendore të policisë Tiranë kanë bërë ekzekutimin e masës së sigurisë ndaj këtij shtetasi, në ambientet e burgut të Fushë Krujës, i cili ndodhet i paraburgosur për veprën penale “Dhuna në familje”. Mësohet se Leza, prej disa kohësh ndodhej në qeli, pasi autoritetet kishin dyshime për përfshirejen e tij në vrasjen e biznesmenit, derisa grumbullan informaciont e nevojshme dhe verifkuan se Leza ishte bashkëpunëtor në vrasjen e Sofisë. Materialet i kaluan Prokurorisë së Posaçme Kundër Korrupsionit dhe Krimit të Organizuar Tiranë, për veprat penale “Vrasja me paramendim” ,“Mbajtja pa leje e armëve shpërthyese dhe municionit”,dhe "Kryerja e veprave penale nga organizata kriminale dhe grupi i strukturuar kriminal”. Biznesmeni Behar Sofia 66 vjec u ekzektua më 25 prill pranë piramdës në Tiranë, ndërsa vrasësi i tij u largua qetësisht me bicikletë. Viktima njihet ndryshe edhe si pardon droge, madje për shkak të konflikteve të tij, në nje biznes në emër të tij i vedosën njëherë eksploziv.