Nevzat Spaho 29 vjecari i arrestuar si bashkëpunëtor në vrasjen e biznesmenit Mondi Mëhalla në Elbasan mbrëmjen e 30 nëntorit, u la në qeli me vendim të gjykatës së Elbasanit. Gjyqtari Elis Dine pranoi kërkesën e prokurorit të ccështjes Gjegji Ceka për caktimin e masës së sigurisë arrest në burg ndaj të riut, person i njohur për policinë si person me precedentë të theksuar kriminalë. Deri në këtë fazë të hetimeve që po kyren organi I akuzës janë të paqarta lidhjet e Spahos me biznesmenin nga Elbasani, por në gjurmët e tij çoi makina e cila u përdor në momentin e ngjarjes dhe më pas u dogj pranë fshatit Mirakë të Librazhdit. Përvec Spahos, më herët në burg u lanë edhe Xhino Ago ortak i biznesmenit Mëhalla, gjithashtu i akuzuar si bashkëpunëtor në krim. Dëshmitë e familjarëve të viktimës për marrëdhëniet shumë të mira familjare mes dy ortakëve duket se nuk e kanë bindur prokurorin e ccështjes. Në masë sigurie "arrest me burg" gjykata la edhe 52 vjecarin Kujtim Pisha, baba i dy fëmijëve, roje në objektin pranë të cilit ndodhi ngjarja, i akuzuar për moskallëzim të krimit. Policia e shtetit vazhdon kërkimet me qëllim arrestimin e dy personave të shpallur në kërkim lidhur me të njëjtën ngjarje, të cilët dyshohen se kanë bashkëpunuar në vrasjen e biznesmenit. Mondi Mëhalla i njohur edhe si Edmond Hyka u qëllua me armë zjarri në kokë mbrëmjen e 30 nëntorit ku mbeti i vdekur në vend. Kamerat e sigurisë treguan se atentati u krye nga një person I vetëm i cili më pas u largua me një mjet tip audi në drejtim të Librazhdit.