Gjykata e Tiranës ka dhënë masës e sigurisë “arrest me burg” për Sebastian Malin. 22 vjeçari është arrestuar së bashku me dajën e tij Viktor Marku për vrasjen e Hekuran Billës. Avokati I Malit, Ilir Murati kërkoi lirimin nga qelia me pretendimin se klienti i tij nuk ka lidhje me ngjarjen, por gjykata pranoi kërkesën e prokurorisë duke e lënë në burg pa afat. Hekuran Billa u ekzekutua për gjakmarrje mbrëmjen e 12 qershorit pranë një qendre tregtare në zonën e Komunës së Parisit në Tiranë. Billa është qëlluar me breshëri plumbash teksa ishte në makinën e tij BMË X6. Ekzekutori, dyshohet se është Viktor Markut, vëllai I Prel Markut, personit që Billa ka vrarë në vitin 2006. Billa ka ekzekutuar në Londër me armë zjarri 22-vjeçarin Prel Marku, ngjarje për të cilën ishte dënuar me burg të përjetshëm, por u lirua nga gjykatat shqiptare para nje viti.