Portugezi Ruben Saraiva, i dyshuar për vrasjen e biznesmenit Ardian Nikulaj në Shëngjin, doli këtë të mërkurë para gjykatës së Lezhës, ku iu komunikua sërish masa arrest me burg. Avokati Kujtim Cakrani hodhi akuza ndaj Prokurorisë dhe Policisë së Lezhës, se ka qenë vetëm dëshmia e një zonje, e cila është marrë parasysh nga grupi hetimor dhe kjo është e vetmja prove nga prokuroria. Sipas tij, zonja e cila ka dhënë deklaratën është marrë nën presion dhe në kundërshtim me ligjin pasi nuk ka qenë në praninë e avokatit. Ndërsa motori i gjendur disa ditë pas ngjarjes, avokati pretedon se nuk ka lidhje me Saraivën. Cakrani tha se vendimin do ta apelojnë në Gjykatën e Apelit dhe se Gjykata nuk ka ende prova të mjaftueshme që Saraiva të jetë i implikuar në kte çështje. Edhe në dy seancat e para të zhvilluara gjatë këtij muaji, Saraiva ka kërkuar lehtësim mase, pasi sipas tij nuk është i implikuar në vrasjen e Ardian Nikula.