Ka qenë një telefonatë që i ka nxjerrë nga shtëpia më datën 7 dhjetor vëllezërit Andrea dhe Martin Olldashi, banues në Maliq. Ditë kur edhe nuk u kthyen më në shtëpi, duke humbur gjurmët dhe për këtë nëna e tyre kishte bërë denoncim në Polici. Po në këtë datë mendohet të këtë ndodhur edhe vrasja e tyre. Sipas burimeve të sigurta nga grupi i hetimit, mesohet se policia ka sekuestruar disa telefona përfshi edhe të të njohurve të tij. Gjithmonë sipas të njëjtave burime mendohet se vëllezërit janë marrë në një makinë me të cilën kanë udhëtuar deri tek vendi i ngjarjes, aty ku mendohet se dhe janë ekzekutuar. E gjithë kjo edhe për grupin e hetimit lidhet me gëzhojat e gjetura në vendin e ngjarjes. Deri tani nuk ka një pistë të fortë që mund ta çojë grupin e hetimit tek motivi si dhe autorët e këtij krimi makabër. Policia ka shoqëruar deri tani 13 persona nga Pogradeci dhe Maliqi, në Komisariatin e Korçes, të cilët po merren ne pyetje. Të shoqëruarit janë kryesisht shokë të dy vëllezërve.