Autorët e krimeve të rënda në disa raste vetëdorëzohen në polici dhe shprehin pendesëm, e në të tjera raste largohen nga vendi i ngjarjed apo arratisen jashtë kufirit. I tillë është edhe rasti i 28 vjecarit Agustin Markvukaj nga fshati Gjadër i Lezhës. Ky i fundit ishte i shpallur në kërkim ndërkombëtar, nën akuzën e vrasjes me dashje dhe palgosjes. Markvukaj ishte I shpallur në kërkim nga autoritetet Italiane pasi Gjykata e Pavias, i ka vendosur masën e sigurisë "Arrest në burg" për veprat penale "Vrasja", mbetur në tentativë dhe "Plagosja", parashikuar nga Kodi Penal italian. 28 vjecari nuk ishte një person i panjohur për policinë shqiptare, pasi edhe më parë është proceduar për veprat penale "Shkatërrim prone" dhe "Plagosja e lehtë me dashje". Arrestimi i tij u bë me qëllim ekstradimi drejt Italisë. Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.