Vrasja e 19 vjecarit Alkis Kampanos në Selanik të Greqisë disa ditë më parë, vijon të jetë në vëmendjen e mediave greke, ku dosja hetimore ende nuk është mbyllur, kjo për shkak se njri nga autorët e krimit të rëndë është arratisur drejt Shqipërisë. Të paktën kështu është raportuar nga mediat helene ditët e fundit, ndërsa thuhet se 20 vjecari shqiptarë ka kaluar lehtësisht në kufirin greko-shqiptar, pasi nuk ishte I shpallur në kërkim. Bëhet fjalë për të riun Roxhers Demirazin me origjinë nga qyteti i Korcës, por i lindur në Greqi, i cili tashëm është në këkrim ndërkombëtar. Pikërisht arratisja e tij dhe të mos pasurit informacion lidhur me vendndodhjen, po e vështirëson akoma më shumë punën e grupit hetimor, ndërsa cështja vijon të jetë e nxehtë dhe e pa zbardhur. Dyshohet se I iru mund të jetë I fshehur tek të afërmit e tij, në Korcë, në vendin e origjinës së prindërve të tij, por policia ende nuk ka mundur ta gjurmojë atë. Kërkimet vijojnë pa u ndalur, derisa të bëhet e mundur kapja e Roxhers Demirazit, autorit kryesorë të vrasjes.