Kliti Leka, autori i vrasjes së biznesmenit Niko Goro doli përpara Gjykatës së Vlorës, e cila dha masën e sigurisë ndaj tij, pas kërkesës së Prokurorisë. Bazuar në provat e gjetura në vendin e ngjarjes, kamerat e sigurisë si dhe të vetë dëshmisë së Lekës, për të u dha masa e sigurisë arrest me burg. Në seancën gjyqësore është lexuar dëshmia e 53 vjeçarit, sipas të cilit e ka kryer ekzekutimin e Nikollaq Goros, në kushtet e pamundësisë, për ti marrë apartamentet në pallatin që Goro kishte ndërtuar mbi sipërfaqen e tokës që i kishte vënë në dispozicion”. Leka në dëshminë e tij ka pohuar se kishte rënë dakord me Niko Goron për të bërë biznes. Madje tregon se kishte lidhur edhe një kontratë noteriale për vënien në dispozicion të një sipërfaqe toke prej 2650 metra katror që ndodhet në Himarë. Ndërsa Nikollaqi ka firmosur duke rënë dakort që të ndërtonte një pallat disa katësh mbi këtë sipërfaqe toke që unë disponoja, dhe si këmbim ai do me jepte 3 apartamente. Ndaj Lekës janë ngritur dy akuza, ajo e “Vrasjes në rrethana të tjera cilësuese” dhe “Prodhim dhe mbajtje pa lejë të armëve e municioneve të zjarrit”.