Top News/ Vrasës, diktator, bir bushtre…e kasap/ Biden shpërthen ndaj Putinit, ‘do mbroj Ukrainën’

Gjatë një tubimi në Karolinën e Veriut, Presidenti amerikan Joe Biden shpërtheu edhe një herë tjetër kundër presidentit rus Vladimir Putin duke e quajtur atë një "kasap", ndërsa tha se Shtetet e Bashkuara kanë kapacitetin për të mbrojtur Ukrainën nga agresioni rus. Biden propozoi rritjen e taksave për miliarderët, duke sugjeruar se një rritje nga 8.2% në 25% mund të gjenerojë miliarda gjatë dekadës së ardhshme. Ai theksoi se këto fonde mund të përdoreshin për të rritur aftësitë mbrojtëse të Ukrainës. "Ne do të mund të bënim shumë gjëra të rëndësishme me këto para, duke përfshirë edhe ndihmën për mbrojtjen e Ukrainës nga kasapi Putin", tha Biden. Pentagoni njoftoi së fundmi 300 milionë dollarë ndihmë ushtarake për Ukrainën, duke shënuar financimin e parë të ri për Kievin këtë vit nga SHBA. Ndërkohë në kongres mbahen ende të bllokuara fonde të tjera.