Vëllezërit Ilmi dhe Klinton Rakipaj janë dy autorët e dyshuar të vrasjes së 24 vjecarit Albert Deda e të plagosjes së dy personave të tjerë, ngjarje që u shënua të dielën në Padova të Italisë. Ata u arrestuan rreth 12 orë pas krimit, teksa po tentonin të arratiseshin drejt Shqipërisë. Dy autorët priten të dalin këtë të mërkurë përpara gjykatës për tu njohur me akuzat e ngritura ndaj tyre si dhe me masën e sigurisë. Trupi i viktimës është dërguar në morrg, ku iu nështrua një ekspertiza, përgjigja e së cilës ende nuk ka dalë. Ndërsa dy personat e tjerë të plagosur vijojnë të jenë në spital, nën kujdesin e mjekëve. Ngjarja u shënua në hyrje të godinës ku jetonin shqiptarët. Sipas mediave fqinje, konflikti mes të rinjve nisi për motive banale dhe për asnjë gjë që lidhet me krimin, sic u ngritën dyshimet të dielën. Autoritetet policore kanë sekuestruar armën e krimit, një thikë, e cila u gjet brenda apartamentit ku jetonin të rinjtë, së bashku me sende të tjera të ftohta që u ëprdorën nga autorët. Këta të fundit në përppjekje për tu alrguar me shpejtësi nga vendngjarja, harruan të fshehin armët, të cilat ranë në duart e policisë.