Dy ish pjesëtarë te dyshuar të ISIS-it, të lindur në Britani janë akuzuar në Shtetet e Bashkuara me akuza për terrorizëm për shkak të vrasjes së katër pengjeve amerikane. Alexanda Kotey dhe El Shafee Elsheikh u paditën për pjesëmarrje në një celule të grupit të dhunshëm islamikt të njohur si "The Beatles", I cili ishte angazhuar me rrëmbime në Irak dhe Siri. Dyshja dyshohet se ka qenë pjesë e kësaj cellule që e merrte emrin nga grupi I famshëm britanik I viteve 1960. Ata janë nën mbikqyrjen e Byrosë Federale të Hetimeve, FBI, dhe do të paraqiten në gjykatën federale amerikane në Virxhinia. Të dy personat në fjalë nuk I pranojnë akuzat. Megjithatë, zv/Prokurori i Përgjithshëm amerikan, John Demers, sqaroi në një konferencë për shtyp se akuzat “janë rezultat i shumë viteve pune të vështirë në kërkim të drejtësisë”, për amerikanët e vdekur, - James Foley, Steven Sotloff, Kayla Mueller dhe Peter Kassig. Duke iu drejtuar familjeve të viktimave, Demers tha: Ne nuk mund t`jua kthejmë mbrapsht fëmijët, por do të bëjmë gjithë çfarë mundemi: drejtësi për ata, për ju, dhe për të gjithë amerikanët. Akuza të tilla pasohen nga dënimi maksimal ose burgim i përjetshëm. Pamjet: AFP