Për krimin makabër që tronditi opinionin në vitin 2018, sot ka një ndëshkim. Hysnie Hoxhallari, e akuzuar për vrasjen dhe më pas djegien e bashkëshortit të saj e nënës së tij, është dënuar me 35 vite burg. Gjykata ka vendosur nga ana tjetër të lërë përjetë prapa hekurave të dashurin e saj, Kasem Pirjasi. Prokuroria e Vlorës kishte kërkuar burgim të përjetshëm për të dy. Ka qenë lidhja e tyre jashtëmartesore ajo që besohet të ketë cuar drejt krimit të dyfishtë. 21 janarin e dy viteve më parë, 73-vjeçarja Salke Hoxhallari dhe djali i saj 43 vjeç, Olsi Hoxhallari, u goditën me mjetë të forta e më pas banesës së tyre iu vu flaka për të humbur gjurmët. Në kohë kur u qëlluan barbarisht, nënë e bir kishin qenë në gjumë. Në banesë ishte gjetur e paprekur një shumë prej 3 mijë eurosh, cka e përjashtoi që në fillim pistën e grabitjes. Pirjasi, asokohe 26 vjec pohoi më vonë lidhjen e tij me Hysnien duke rrëfyer se e kishte kryer ai vrasjen pasi nuk po takonte dot të dashurën. Hysnia vete nuk pranonte te kishte gisht në kwtw ngjarje, por pavarwsisht kwsaj wshtw shpallur fajtore për veprën penale “Vrasje për shkak të marrëdhënieve familjare e kryer në bashkëpunim”.