Gjykata eTiranë ka lënë në burg 4 të rinjtë që dyshohet se janë konfliktuar dhe në bashkëpunim kanë qëlluar me thikë 18 vjeçarin Aurelio Dervishin, ngjarje e ndodhur dy ditë më parë në zonën e Shkozës. Në dëshmitë e dhëna, të ronjtë pranuan konfliktin e çastit me viktimën, ndërsa autorësinë e goditjes fatale me thikë e ka marrë një i mitur 15-vjeçar. Të rinjtë e arrestuar kanë shpjeguar dinamikën e ngjarjes duke pranuar faktin që janë shkëmbyer në makinë, kanë ndaluar dhe më pas janë përleshur. Në pyetje është marrë edhe 16-vjeçarja, e cila ka thënë se është e lidhur me Frensis Shehun, shokun e autorit të vrasjes. Kjo e fundit ka thënë se ka qenë në makinë më 18-vjeçarin Aureljo Dervishin, për shkak të miqësisë që kishte me të dhe për shkak se ishin afër me lagjet.