Edhe pse duhet ende kohë që fushata elektorale të nisë zyrtarisht, kryetarja e Lëvizjes Socialiste për Integrim vijon takimet me strukturat. Mëngjesin e kësaj të diele, kryemadhi është takuar me votues për herë të parë, me të cilët ndau shqetësimin e largimit nga vendi të të rinjve “Ju e keni parë dhe vetë procesin e Maturës Shtetërore, dhe humbjet që patët nga ky proces. Çdo ditë duhet të motivohen votuesit për herë të parë që janë elementë që duhet të përdoren. Ata po largohen nga vendi. Rama po i motivon për t’u larguar. Shqipëria është e shqiptarëve, jo e Lulit, e Monikës, dhe e Ramës. Ai merr guximin; duroni kush duron, dhe pjesa tjetër të ikë. S’mund të lejojmë që dikush të marrë të ardhmen tuaj”. Kryemadhi kërkoi që deri në 25 prill të ketë një plan të qartë për maturantët dhe studentët për të krijuar një strategji përsa I përket punësimit dhe konkurrencës në tregun e punës. Kryemadhi tha se Shqipëria është e shqiptarëve dhe jo e politikanëve.