Thuajse në të njëjtën kohë kur Komisioni i Ligjeve rifuti në rendin e ditës diskutimin për kodin e ri zgjedhor nga presidenti Ilir Meta mbërriti një shkresë me objekt vënien në dijeni për dërgimin në Venecia të një kërkese lidhur me kodin e ri zgjedhor dhe marrjen prej andej të një raporti urgjent. Pavarësisht deklaratave për këtë cështje, ku u përfshi edhe komisioneri europian, palët politike në Shqipëri nuk janë tërhequr nga qëndrimet e tyre. Deputetët në komisionin e ligjeve pretendojnë se kodi do të rivotohet pas asnjë ndryshim, duke qenë të bindur se nuk është shkelur asnjë pikë të marrëveshjes së 5 qershorit, të arritur nga Këshilli Politik me pjesëmarrjen edhe të ndërkombëtarëve. Në të njëjtën linjë ka qenë edhe kryeministri Rama, i cili teksa u pyet nga gazetarët teksa jepte një konferencë shtypi për zhvillimin më të fundit, atë të riatdhesimit nga Siria të 4 fëmijëve dhe një gruaje tha se nuk do të hynin në spiralen e Ilir Metës, duke mos pritur një opinion nga venecia. Ndërkohë, pritet që kodi të votohet në seancën plenare të radhës.