Votimi i emigrantëve edhe në këto zgjedhje parlamentare është i pamundur. Ndonëse në Kodin Zgjedhor u përfshi për herë të parë votimi shteasve shqitarë që nuk janë jorezidentë, procesi mund të quhet i dështuar, për shkak të mungesit të vullnetit politik. Zgjedhjet parlamentare zhvillohen këtë fundjvajë në vendin tonë. Por edhe pse u diskutua gjerë e gjatë dhe u konsiderua prioritet për votimin e emigrantëve, kjo çështje mund të konsiderohet si dështim i politikës. Votimi i shteasve shqiptarë që nuk janë rezidente në Shqipëri u përfshi për herë të parë në Kodin e ri zgjedhor, por palët deklaruan se për zgjedhjet politike të 25 prillit ai nuk mund të aplikohet. Opozita akuzon qeverinë dhe KQZ se nuk arritën të bëjnë të mundur regjistrimin e emigrantëve me të drejtë vote, ndërsa përfaqësues të shoqërise civile mendojnë, se në këtë proçes mungonte vullneti i të gjitha palëve politike. Në zgjedhje janë thirrur të votojnë afro 3 mln e 600 mijë votues në një popullsi me shtetësi shqiptare prej afro 4,5 mln persona. Shqipëria është ndër të vetmet vende në rajon që nuk u mundëson shtetasve të saj me banim jashtë territorit të republikës, votimin në vendet ku ata janë rezidentë.