Konferencën e kësaj të enjteje, kryedemokrati Berisha e nisi duke uruar drejtuesit e rinj të partisë, të dalë nga Këshilli Kombëtar një ditë më parë. Ai tha se drejtimi i PD është ripërtërirë me personalitete të shquara falë mekanizmit themelor të votës së lirë brenda partisë. Ka një ripërtëritje të madhe me personalitete ndër më të shquarat të fushave të tyre në drejtimin e PD. Kjo dëshmon gjithashtu votën e lirë si mekanizëm themelor të funksionimit të kësaj partie. Edhe njëherë, urimet më të përzemërta të zgjedhurve të rinj. Më tej, kreu i PD vijoi me komentet për protestat e qytetarëve. Siç e dini Edi Rama është i vendosur të mos pranojë asnjë kërkesë të protestës rinore qytetare. Ndërkohë, ne kemi mbështetur të gjitha kërkesat e tyre. Pra këtu ka një dallim të madh midis nesh dhe atyre.