Partia Socialiste edhe një herë triumfoi në bashkinë e Vorës. Blerim Shera, kandidati i Partisë Socialiste për bashkinë Vorë, u shpall fitues me 7 mijë e 530 vota duke lënë pas, kandidatin e Shtëpisë së Lirisë si dhe kandidatin e Partisë Demokratike. Lulzim Vrana u votua nga 2 mijë e 586 votues, ndërsa Ymer Marku pati rezultatin me të dobët me 687 vota. Rezultati u komunikua nga komisionieri shtetëror i zgjedhjeve Ilirjan Celibashi. Procesi i votimit nisi në orë 07 00 të mëngjesit të kësaj të diele dhe përfundoi në orën 19 00 të mbrëmjes. Në Bashkinë Vorë procesi i votimit u krye në 44 qëndra, ndërsa ka dominuar Partia Socialiste. Në bashkinë Vorë votimi por edhe numëërimi u bë më mënyrë elektronike, prandaj rezultati ishte kaq I shpejtë. Ndërkohë pritet të fillojë numërimi manual në 5 bashkitë e tjera. Pritet që procesi i numërimit të mos zgjasë shumë duke qenë se pjesëmarrja nuk ka qenë shumë e lartë. Rikutojmë edhe njëherë që pjesëmarrjen më të lartë të votuesve e kishte qarku i Dibrës me 43.35 % , dhe pjesëmarrjen më të ulët e kishte qarku I Durrësit me 26.4%.