Kompania suedeze e prodhimit të makinave Volvo, ka deklaruar se do të sigyurojë që 40.000 punonjësit e tyre në mbarë botën, burra dhe gra, të kenë të drejtën për të marrë 6 muaj leje prindërore, me qëllim barazinë gjinore. Duke filluar nga 1 prilli, punonjësit të cilët kanë punuar për prodhuesin e makinave për të paktën 1 vit, do të përfitojnë të pushim me të drejtë pagese 80 %. Në njoftim thuhet se ata do të jnë në gjendje të marrin 24 javë leje, kur të dëshirojnë gjatë tre viteve të para të jetës së fëmijës. Zgjedhja e Volvos bazohet në politikën kombëtare të pushimeve prindërore të suedisë, e cila konsiderohet si një nga më bujaret në botë. ‘Më e rëndësishmja, ne ofrojmë të njëjtën gjë për të dy prindërit dhe duam të inkurajojmë më shumë burra që të shfrytëzojnë rastin për të marrë lejen prindërore”- tha për Francë Press, përfaqësuesja e burimeve njerëzore, Hanna Fager. Kompania, e cila ka 75% të punonjësve I ka meshkuj, tashmë ka eksperimentuar me politikën e pushimit në një program pilot që nga viti 2019 në Evropë, Lindjen e Mesme dhe Afrikë, nga ku 46% e kandidatëve ishin baballarë. Sipas Fager, pushimi prindëror i paguar është i rrallë në industrinë e automobilave, por edhe më gjerë.