Një shtetas ka rënë në prangat e policisë së Elbasanit, pasi ka vjedhur 2 milionë e 500 mijë lekë të rinj në fabrikën që administronte. Pas hetimeve, Prokuroria e Elbasanit ka urdhëruar ndalimin e 38-vjeçarit, pasi akuzohet se gjatë një viti, ka vjedhur në fabrikën për prodhimin e nënprodukteve të mishit, që administronte, 2 milionë e 500 mijë lekë të rinj. Shuma dyshohet se është vjedhur nga xhirot ditore, si dhe duke mashtruar se do të blinte një automjet për fabrikën. Operacioni u zhvillua si rezultat i hetimeve të kryera për disa javë, në bashkëpunim me Prokurorinë e qarkut dhe Seksionit për Hetimin e Krimeve Ekonomike dhe Financiare i Drejtorisë Vendore të Policisë Elbasan. Rasti i ka kaluar prokurorisë pranë Gjykatës së Shkallës së Parë të Juridiksionit të Përgjithshëm Elbasan po zhvillon hetime të tjera. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.