Uniformat blu’ të Himarës kanë zbardhur disa raste vjedhjesh në një market në zonën e “Livadhit”. Falë veprimeve të shpejta hetimore të kryera nga specialistët për Hetimin e Krimeve, policia ka vënë në pranga autorin, i cili përdorte dy identitete. Autori 33-vjeçar akuzohet për veprat penale “Vjedhja”, “Prodhimi, mbajtja apo shitja e armëve të ftohta” dhe “Prodhimi dhe shitja e narkotikëve”. Sipas hetimeve, rezulton se ky shtetas gjatë muajve shtator dhe tetor 2025, ka kryer disa vjedhje në një market ushqimor, në lagjen “Livadh”, Himarë, ku janë vjedhur një shumë prej 800 000 lekësh dhe produkte ushqimore me vlerë rreth 1 000 000 lekë. Gjatë kontrollit në vendin ku qëndronte ky shtetas, u sekuestruan në cilësinë e provës materiale, një sasi me lëndë narkotike cannabis sativa, 1 thikë, një palë doreza dhe veshje të përdorura gjatë vjedhjeve. Materialet procedurale iu referuan Prokurorisë pranë Gjykatës Vlorë, për veprime të mëtejshme.