Dy turistëve gjermanë që po vizitonin Vlorën u morën paratë dhe sendet e tjera me vlerë që kishin në makinë. Autor I vjedhjes ishte një 18-vjeçar nga fshati Lukovë I cili u arrestua nga policia pak minuta pas ngjarjes. Bashkëpunëtor në vjedhje së bashku me të ishte dhe një 13-vjeçar I cili u procedua penalisht nga ana e uniformave blu. Turistët ndodheshin në plazhin Lapardha në Lukovë për të pushuar. Ata e kishin parkuar automjetin afër zonës kur adoleshenti së bashku me të miturin u morën paratë dhe sendet e tjera, mes të cilave celularët dhe tabletët. Ata u larguan me shpejtësi por u zbuluan më pas. Paratë dhe gjithë pjesa tjetër e sendeve të vjedhura iu kthyen turistëve. Policia u bën thirrje të gjithë pushuesve që të tregojnë kujdes në ruajtjen e sendeve personale dhe të njoftojnë menjëherë në rast vjedhjeje.