Shërbimet e Komisariatit të Policisë Vlorë, kanë vënë në pranga një 60 vjeçar, si autor të zjarrvënies në lagjen ‘Partizani’. POlicia njofton se pas marrjes së njpftimit për rënien e zjarrit dhe se nga përhapja e flakëve po digjeshin sipërfaqe toke dhe po rrezikoheshin banesat në afërsi të lagjes ‘Partizani’, efektivët kanë nisur hetimet për përcaktimin e shkakut të rënies së tij. Si rezultat I hetimeve, është bërë I mundur identifikimi dhe arrestimi I autorit të dyshuar të zjarrvënies, 60 vjecarit me iniciale G. R. banues në Vlorë. Materialet procedurale iu referuan Prokurorisë Vlorë, për veprime të mëtejshme. Sakaq, Policia ka apeluar gjithë qytetarët që të mos ndezin zjarre për djegien e mbetjeve apo për qëllime të tjera, pasi përhapja e flakëve mund të sjellë pasoja të rënda për jetën, pronën dhe mjedisin.