Kryeministri Edi Rama ka reaguar në rrjetet sociale lidhur me debatet për projektin turistik në Zvërnec, duke publikuar një mesazh që thotë se i është dërguar nga një qytetar vlonjat, së bashku me pamje nga zona ku parashikohet të zhvillohet investimi. Në postimin e tij, Rama shprehet se videoja e dërguar nga qytetari pasqyron gjendjen aktuale të territorit, të cilin e përshkruan si të ndotur dhe të lënë pas dore. Kryeministri ndan të plotë edhe mesazhin e marrë, ku sipas tij, dërguesi i thotë që të vazhdojë përpara me investimin në Zvërnec. Sipas denoncimit të tij, zonën ku është parashikuar investimi, njerëz të papërgjegjshëm, që ndoshta janë ngritur në protestë e kanë katandisur zonën e mbrojtur si mos më keq. Sipas qytetarit, 4 miliardë euro investime nuk janë hedhur asnjëherë në historinë e Vlorës dhe projekti i Ivanka Trump nuk duhet humbur.