Kryediplomati i Kinës i tha presidentit rus, Vladimir Putin, se Kina dhe Rusia duhet të punojnë për të forcuar bashkëpunimin në dritë të “një situate të ndërlikuar ndërkombëtare”, raportoi media shtetërore kineze. Duke folur gjatë takimit me Putinin në Shën Pjetërburg, kryediplomati kinez, Ëang Yi, tha se “bota po lëviz shpejt drejt polarizimit”. Gjatë këtij takimi, Putin pranoi ftesën që të vizitojë Kinën muajin e ardhshëm. “Globalizimi i ekonomisë po përparon, veprimet e njëanshme janë të paqëndrueshme dhe hegjemonizmi nuk është popullor”, tha Ëang, sipas agjencisë së lajmeve Xinhua. “Të dyja palët duhet të forcojnë bashkëpunimin shumëpalësh strategjik, të mbrojnë të drejtat dhe interesat e tyre legjitime dhe të bëjnë përpjekje të reja për të promovuar rendin botëror të drejtësisë”, shtoi ai.