Vladimir Putin ka krahasuar efikasitetin e një vaksine të re të Sputnik me një dozë të vetme, me saktësinë e një kallashnikovi. Ai i bëri komentet gjatë një video konference me zv kryeministren tatyana Golikova, ndërsa ata prezantuan Sputnik Light. Versioni i ri i vaksinës, që vjen tani në një version të vetëm, u autorizua zyrtarisht në Rusi, të enjten. Në një deklaratë për shtyp, prodhuesit thanë se një dozë e vetme ka treguar 79.4 për qind efikasitet. “Regjimi me një dozë të vetme lejon edhe imunizimin e një numri më të madh njerëzish në një kohë më të shkurtër, duke intensifikuar këhstu luftën me pandeminë gjatë kësaj faze akute”, thuhej në deklaratë. Vetë presidenti rus ndërkohë shtoi se ajo ishte po aq e besueshme sa edhe kallashnikovi, duke iu referuar këhstu pushkës shumë popullore ruse.