Autoritetet shqiptare në koordinim me ato spanjolle kanë riatdhesuar këtë të shtunë zemrën e shqiptarit Saimir Sula, I cili ndërroi jetë në spitalin ‘Del Mar’ të Barcelonës gjatë pandemisë. Lajmi është bërë public nga Ministria e Drejtësisë, e cila bën me dije se në datën 12 korrik 2023 një grup përfaqësuesish nga Ministria e Drejtësisë, Prokuroria e Tiranës, Prokuroria e Përgjithshme, Instituti i Mjekësisë Ligjore, përfaqësuesi i Ambasadës Shqiptare në Madrid, kanë marrë në dorëzim nga pala spanjolle, zemrën e të ndjerit Saimir Sula dhe kanë përfunduar të gjithë procedurën e nevojshme sipas standardeve të parashikuara në aktet ndërkombëtare dhe legjislacionin procedurial – penal të të dy vendeve. Po ashtu ministria bën me dije se transporti për në Shqipëri është kryer konform procedurës së përcaktuar dhe për transportin e zemrës janë përdorur mjetet e fundit teknologjike për procedura të tilla me vështirësi teknike. Por pavarësisht kësaj, familjarët e të ndjerit kanë kërkuar që t’I bëhet analiza e ADN-së. Për këtë arsye Ministria e Drejtësisë thekson se nga ky moment i takon Prokurorisë së Tiranës dhe Institutit të Mjekësisë Ligjore, të kryejnë të gjitha veprimet hetimore të mëtejshme. Familjarët akuzojnë autoritetet spitalore se kanë bërë trafik organesh me zemrën e të ndjerit, pasi sipas tyre, ai kishte qenë I shëndetshëm kur ka shkuar në spital, për të dale që andej pa jetë.