Nga datat 2 deri më 8 Tetor, do të organizohet në vendin tonë Java Kulturore Gjermane, mbështetur nga Ministria e Ekonomisë, Kulturës dhe Inovacionit. Aktivitetet nisin më datë 2 Tetor në Galerinë e Artit Tiranë, me ekspozitën “City X- Unë, Tiranë”, një projekt artistik modern dhe inovativ. Për të apasionuarit pas fotografisë, nga datat 2 deri 6 Tetor, në Qendrën Rinore Arka do të zhvillohen ditët e “Teknikave të Hershme të Fotografimit”. Pjesë e ëorkshop-eve do të jenë Jonas Ruhs dhe Maximilian Zeitler, dy ekspertë të fotografisë nga Berlini. Ndërsa në Lezhë, në biblotekën publike “Gjergj Fishta” më 4 tetor, do të mbahet një forum që ofron një platformë për dialog të hapur. Më 6 tetor, në rrugën “Pjetër Bogdani” në kryeqytet do të organizohet “Street Rave ëith Hannes Bieger”. DJ dhe producenti me famë botërore Hannes Bieger do të ngjitet në skenë për të performuar një përzierje unike të Deep House dhe Techno music, duke përcjellë për të apasionuarit e muzikës elektronike energji dhe kreativitet.