Me vdekjen e papritur të presidentit iranian Ebrahim Raisi në një aksident me helikopter të dielën, zëvendëspresidenti i parë i Iranit ka zënë rolin vakant, të paktën tani për tani. Si president në detyrë sipas kushtetutës së Republikës Islamike, Mohammad Mokhber, 68 vjeç, do të formojë një këshill prej tre personash, së bashku me kryetarin e parlamentit dhe kreun e gjyqësorit, që do të organizojë zgjedhje të reja presidenciale. Ndërsa mbetet e paqartë në planin afatgjatë se kush do ta zëvendësojë Raisin kushtetuta përcakton se zgjedhjet duhet të mbahen brenda 50 ditëve nga vdekja e presidentit. I lindur më 1 shtator 1955, Mokhber është sanksionuar më parë nga perëndimi për 'aktivitete bërthamore' dhe gjithashtu konsiderohet se ai është personi që ka rënë dakord të furnizojë Rusinë me një arsenal vdekjeprurës dronësh për ta ndihmuar në pushtimin e Ukrainës. Ashtu si Raisi, Mokhber shihet si i afërt me Khamenei-n, i cili ka fjalën e fundit në të gjitha çështjet e shtetit dhe që të hënën e ngarkoi Mokhber-in të organizojë zgjedhjet. Ai u bë nënkryetar i parë në 2021 kur Raisi u zgjodh president pas zgjedhjeve që konsiderohet nga perëndimi se u orkestruan me kujdes.