Ish-kryeministri Sali Berisha e konsideron buxhetin e ri të shtetit, si fatkeqësinë më të madhe, pasi sipas tij, parashikon vjedhje, e jo përmirësim të jetës së qytetarëve. SINK Buxheti prej 8 milardë euro shënon fatkeqësinë e madhe të radhës për shqiptarët pasi ky buxhet në të gjitha punët publike të tjera, përveç rrugëve, shkollat, qendrat shëndetësore, çerdhet, zyrat, etj, parashikon një kosto 6 gjer në 10 herë më të lartë se sa në mesataren e BE. Pra, parashikon një vjedhje, po të kemi parasysh dhe rrogat, 70 gjer në 94 përqind të të gjithë investimeve që bëhen në këto objekte. Por çfarë do të bëjë opozita për të penguar votimin e tij në Parlament, a do të ketë ngujim? SINK Opozita do të shqyrtojë të gjitha variantet dhe do bëjë gjithçka që ky buxhet i vjedhjes më të madhe në histori, së bashku me qytetarët, të mos votohet në atë parlament. Le ta votojnë në selinë e Partisë Socialiste po të duan. Një përgjigje e pati edhe partitë e reja, përfshi partinë e Alibeajt, ‘Djathtas’, se kusht për bashkëpunim është moskandidimi I Berishës për kryeministër. SINK Ata të cilët mendojnë se duhet të përcaktojnë kryeministrin e Shqipërisë, jashtë vullnetit të zgjedhësve shqiptarë, ata janë në një variant, talebanët e politikës, janë fondamentalist, janë vegla të Edi Ramës dhe mund tu vesh shumë epitete. As Sali Berisha dhe asnjë njeri tjetër, nuk mund të përcaktojë përveç shqiptarëve, atë që ata duan në drejtim. Referuar mosbindjes civile, Berisha u shpreh se do të jetë e pandërprerë në forma të ndryshme.