Europol ka dhënë detaje mbi aksionin e zhvilluar në Tiranë pak ditë më parë ku u goditën disa call centera mashtrues, dhe iu arrestuan 10 persona. Operacioni, sipas Europol, zgjati më shumë se dy vjet, ndërsa u sekuestruan gati 900 000 eurove. Rrjeti kriminal, sipas njoftimit, operonte në disa qendra thirrjesh në Tiranë, dhe besohet se ka shkaktuar dëme të konsiderueshme financiare, që arrijnë në total të paktën 50 milionë euro. Qendrat e thirrjeve funksiononin si struktura legjitime biznesi dhe kishin një menaxhim hierarkik, ndërsa detyronin përmes mashtrimit shtetas të huaj që të investonin në bursa dhe kriptovaluta. Por paratë sipas autoriteteve nuk shkonin ashnjëherë në destinacionin final të investimit pasi kanalizoheshin në një skemë të ndërlikuar ndërkombëtare të pastrimit të parave, duke u zhdukur përfundimisht në duart e organizatës kriminale.