Policia bashkiake në Arezzo të Italisë, ka ndërhyrë për të arrestuar një hajdut 66 vjecar që kishte vjedhur disa ushqime, mes të cilave perime, ushqime të konservuara etj, me një vlerë prej 46 eurosh, në një supermarket. Ndërhyrja e forcave të rendit ishte kërkuar nga personeli i marketit. Por, pasi agjentët mbërritën në vendngjarje, panë se hajduti, kishte qenë në vështirësi, e madje edhe i uritur, ndaj, në frymën e festave të shumëvitit, kanë rrëmuar në xhepat e tyre për të mbledhur para, për ta ndihmuar atë. Ngjarja ka ndodhur të premten e shkuar. Hajduti, kur u ndalua nga policia kishte tentuar ti shpëtonte agjentëve. Ai madje kishte protestuar duke thënë se supermarketi ishte në pronësinë e vajzës së tij dhe punëtorët ishin të gjithë mosmirënjohës. Por policët kishin kontrolluar precedentët penalë të 66 vjecarit dhe kishin kuptuar se kishte patur edhe më herët raste të tilla. Kur ai ishte kapur në flagrancë duke vjedhur në cdo rast ushqime.