Eurodeputetët e Parlamentit Europian kanë ringritur shqetësimin e skemës së vizave të Serbisë dhe Shqipërisë, të cilat sipas tyre aplikojnë regjim të zbutur, ose pa viza me vende të treta duke shkelur marrëveshjet që kanë nënshkruar me BE-në. Jordan Bardella, eurodeputet i së djathtës franceze kërkon nga Komisioni që të marrë masa shtrënguese ndaj Serbisë dhe Kosovës për të sjellë politikat e vizave në përputhje me ato të BE-së. Sipas tij, në skemat e lëvizjes së lirë që aplikojnë Serbia dhe Shqipëria përfshijnë vende të treta, si Rusia, Egjipti dhe shtete të tjera arabe dhe aziatike për të cilat BE aplikon regjim të përforcuar vizash. Në përgjigjen që Komisioni i kthen eurodeputetit francez, thotë se Shqipëria vijon të përmbushë kriteret e lëvizjes pa viza në zonën Shengen, por thekson se politikat e tyre me vende të treta nuk është plotësisht në përputhje me ato të BE-së.