Presidenti i sapozgjedhur amerikan Donald Trump është shprehur për gazetën New York Post se ai mbështet vizat e imigracionit për punëtorët shumë të kualifikuar, duke mbëhstetur në këtë mënyrë Elon Musk në debatin e trazuar për këtë çështje. “Gjithmonë më kanë pëlqyer vizat dhe kam qenë gjithmonë pro tyre. Kjo është arsyeja pse i kemi ato”, tha zoti Trump. Kam shumë njerëz me këto viza në pronat e mia. Kam besuar tek ato. I kam përdorur shumë herë. Është një program i mrekullueshëm”, tha Trump për gazetën. Ky program u lejon kompanive të punësojnë punëtorë të huaj në profesione të specializuara. Megjithatë Trump nuk tha nëse do të kishte ndonjë ndryshim në numrin e vizave të këtij lloji që do të jepeshin pasi të merrte detyrën më 20 janar. Kundërshtauesit e këtyre vizave duan që Trump të zbatojë premtimin e tij për të promovuar punëtorët amerikanë dhe për të vendosur kufizime më të ashpra ndaj imigracionit dhe emigrantëve. Emigracioni, kyresisht ai i paligjshëm ka qenë ka qenë një nga pikat më të rëndësishme të fushatës presidenciale të Donald Trump.