21 tetori shënon arrestimin e bujshëm, të ish-Presidentit, ish-kryetarit të parlamentit, njëherësh ish-kryeministër i vendit Ilir Meta, një arrestim i cili do të bënte xhiron e të gjitha medieve, brenda e jashtë vendit. Teksa ka kaluar 1 vit nga ky arrestim, Ilir Meta nëpërmjet mbrojtjes së tij ligjore, ka shfrytëzuar të gjitha hapësirat ligjore, për të kërkuar rrëzimin e masës së sigurisë, dhe lirinë nga qelia. Në betejën e tij ligjore prej një viti, që ish-Presidenti parashtronte argumentet e tij, që nga forma e arrestimit, e deri tek pretendimet për akuza të pabaza, kaloi të gjitha hallkat e gjyqësorit, ku rekursi u rrëzua edhe nga Gjykata e Lartë, më 17 tetor, duke e lënë atë në qeli. Por përballë vendimeve që janë kundër tij, Meta vijon përpjekjet për të kërkuar lirinë, edhe 1 vit pas arrestimit.