Në prag të nisjes se vitit të ri akademik ministrja e Arsimit Evis Kushi është takuar me rektorët e universiteteve publike dhe private. Përmes një postimi në rrjetet sociale ministrja Kushi ka bërë të ditur se në fokus të takimit ishte plani i masave të ndërmarra prej tyre për nisjen sa më mbarë të vitit të ri akademik më 2 nëntor. Kushi Ajo nënvizon se gjatë takimi është diskutuar veçanërisht për mënyrën e zhvillimit të leksioneve dhe seminareve në kushtet e pandemisë, duke vlerësuar faktin se që të gjitha institucionet e arsimit të lartë janë përshtatur me metodën e 'mësimit të kombinuar', në auditore dhe 'online' sipas specifikave të tyre përkatëse”. “Ofrova të gjithë gatishmërinë time personale dhe institucionale për të bashkëpunuar me universitetet në çështje me interes të përbashkët, ku në thelb është padyshim mbrojtja e shëndetit të gjithsecilit, respektimi i masave anti-COVID, shërbimet akoma më të mira për studentët dhe rritja e cilësisë së arsimit të lartë”,-thuhet ne postimin e Ministres së Arsimit Evis Kushi.