56 vendet anëtare të OSBE kanë vlerësuar pozitivisht kryesimin e Shqipërisë përgjatë vitit 2020. Në raportin vjetor të publikuar nga kjo organizatë theksohen sfidat e Presidencës shqiptare por edhe arritjet. “Viti i Kryesisë Shqiptare ishte i rëndësishëm për OSBE-në në shumë aspekte. Viti 2020 shënoi 45 vjetorin e Aktit Final të Helsinkit dhe 30 vjetorin e Kartës së Parisit për një Evropë të Re, por gjithashtu u karakterizua nga një seri sfidash të reja dhe të papara. Shqipëria e nisi këtë presidence duke nënvizuar se si një shtet i vogël që ka pësuar një tranzicion të madh, ajo ka përfituar forcë dhe stabilitet të shumte nga të qenit pjesë e këtij komuniteti të bazuar në vlera dhe tashme përmes Kryesisë, ajo u përpoq t’i kthente mbrapa Organizatës ” Në raport theksohet gjithashtu se 3 ishin prioritet kryesore të Presidencës shqiptare. Bërja e një ndryshimi në terren, Zbatimi i zotimeve së bashku dhe ndërtimi i stabilitetit përmes dialogut. “Por këto tre prioritete kaluan në plan të dytë, për shkak të zhvillimeve që ndodhen përgjatë 2020-s, kur pandemia ishte një nga sfidat kryesore. Por kësaj ju shtuan dhe vakancat e strukturave drejtuese të OSBE, situata ne Bjellorusi dhe ajo ne Nagorni-Karabak Këto ngjarje shtuan presione të reja në punën e përditshme të OSBE-së gjatë vitit 2020, të cilat Kryesia u përpoq t’i kapërcente. Përballë kësaj fatkeqësie, Kryesia Shqiptare në mënyrë efektive, mbajti aktivitetet operacionale të OSBE-së mes përçarjes së shkaktuar nga COVID-19 dhe emëroi strukturat e reja te Organizatës”