Parisi tha të shtunën se ka anuluar spektaklin e fishekzjarreve në natën e ndërrimit të viteve ndërsa evropa po ndërmerr masa më të ashpra për të frenuar ecurinë e koronavirusit. Shefja e BE-së, Ursula Von Der Leyen ka paralajmëruar se varianti Omicron mund të jetë dominues në evropë në mes të Janarit. Shumë vende kanë vendosur të rikthejnë kufizimet e udhëtimeve ndërsa të tjerë kanë marrë masa kufizuese. Një panel shkencëtarësh që këshillon qeverinë franceze kërkoi reagim të vendosur në festimet e fundvitit dhe kryeqyteti njoftoi me keqardhje se do të anulonte të gjithë eventet në Champs Elysees. “Nuk do të ketë fishekzjarre dhe fatkeqësisht as DJ”, tha zyra e kryebashkiakut. Ndërkohë edhe në gjermani, masat po forcohen dhe për të dytin vit radhazi duket se do të mungojnë fishekzjarret. Zyrtarët miratuan të premten një rregull që ndalon shitjen e fishekzjarreve të vitit të ri. Tradicionalisht gjermanët janë entuziastë për ndezjen e fishekzjarreve gjatë ndërrimit të viteve por këtë vit duket se nuk do të mund të bëjnë asgjë.