Virusi i covid 19 po vazhdon të pësojë mutacione gjatë pandemisë, me ekspertët që besojnë se ai po bëhet me të gjitha gjasat më ngjitës. Kjo pasi rastet e koronavirusit në SHBA dhe në Evropë po rritet sërish me nivele alarmante. Studimi i ri, i kryer në SHBA, ka analizuar 5 mijë sekuenca gjenetike të virusit, që ka vazhduar të pësojë mutacion ndërsa përhapej mes popullatës. Studimi nuk ka zbuluar nëse mutacionet e virusit e kanë bërë atë më vdekjeprurës apo kanë ndryshuar pasojat, edhe pse sipas Uashington post, ai mund të merret tani më lehtë. Ekspertët e shëndetit publik pranojnë se të gjitha viruset pësojnë mutacione, pjesa më e madhe e tyre janë jo domethënëse. David Morens, një virolog në institutin kombëtar të sëmundjeve alergjike dhe infektive, thotë se studimi i ri nuk duhet keq interpretuar por shton se virusi mund të jetë duke reaguar ndaj ndërhyrjeve si distancimi social.